شه‌فه‌ق نيوز/ هاككه‌ريگ ئه‌مريكى ك ته‌مه‌نى 18 ساڵه، تويه‌نست به‌يانات شه‌خسى نزيكه‌ى 20 هه‌زار ئه‌فسه‌ر هه‌كر بكاو له‌ناونيانيش ئه‌فسه‌ره‌يليگ له نوێسينگه‌ێ په‌يجووريه‌يل فيدراڵى FBI.
له‌ى باوه‌ته‌و، ماڵپه‌ڕ ميترۆ بريتانى له زووان دادگاى ئه‌مريكى وت: ئه‌و هه‌رزه‌كار ئه‌مريكى ك ناوى كيل غامبل بويه، له چگن وه‌ناو هساو ئه‌فسه‌ره‌يل پايه‌به‌رز سه‌ركه‌فتگه دوياى ئه‌وه‌گ گه‌ناته‌كارى كردنه له حكومه‌ت ئه‌مريكى.
ماڵپه‌ڕه‌گه هه‌ميش وت: غامبل ته‌نيا 15 ساڵ ته‌مه‌نى بويه هه‌ناى ك سه‌ركه‌فتگه له ته‌واوكردن كار دزيكردن به‌يانه‌يل شه‌خسى هه‌ر يه‌ك له جون برينان سه‌رۆك ئاژانس هه‌واڵگرى ئه‌مريكى CIA ئه‌وساو دزيكردن به‌يانه‌يل مارك جوليانو جيگر وه‌ڕيه‌به‌ر نويسينگه‌ێ په‌يجووريه‌يل فيدراڵى FBI.
جى باسه، غامبل جه‌ماعه‌تيگ دامه‌زرانگه‌و ناو خوه‌يشى ناگه Crackas With Attitude (CWA)، ك ئاشكراى وه‌رپرسيارێتى خوه‌يشى كرد له په‌لاماره‌يل فريه‌يگ ئه‌لكترۆنى و دزين شماره‌ێ ته‌له‌فۆنه‌يل و هساوه‌يل شه‌خسى.