شەفەق نیوز/ مناڵیگ لە تەمەن پەنج ساڵان، کەفتە قەپ شیریگ لە ناوچەی ئەمریلی لە ویلایەت جوجارات باکوور خوەرئاوای هندستان، وەگورەی ئاژانس پرێس ترێست ئۆف ئیندیای هندی، ئمڕوو سێشەممە، لە زوان وەرپرسیگ لە دارستان.

رووژنامەی "ناشيوناڵ هيرالد" ئەلیکترۆنی هندی لە زوان وەرپرس دارستان جی ئەڵ ڤاجیلا وت: مناڵەگە لە دەیشت ماڵەگەی لە ئاوای نافی جیکاردی ئیوارەی دویەکە بازی کردیاد، هەناێ شیرەگە پەلاماری دا، و رفانەی.

وتیش: باوگ و داڵگ مناڵەگە جفتیاری کەن، و دویای مینەکردن فرەیگ لەلای خەڵکەگە و فەرمانبەرەیل دارستان، تەرمەگە پەیا کریا، و ئەرا خەسەخانە بریا.

ڤاجیلا وتیش: دەسەڵاتەیل تەقەلا دەن شیرە بکوشەگە بگرن.