شەفەق نیوز/ پولیس هندستان، ئمڕوو شەممە، دەسگیرکردن زیاتر لە ٢٠٠٠ پیاو راگەیان، لە هەڵمەتیگ لەبان وەشویداین نایاسایی دویەتەیل خوار ١٨ ساڵان لە ویلایەتیگ باکوور خوەرهەڵات وڵاتەگە.
وەگورەی سایت (الحرة)ی ئەمریکی، لە زوان فەرماندەی ویلایەت ئاسان هندستان جینانیندرا براتای سینگ وت: لەناو دەسگیرکریایل ئی هەفتە زیاتر لە ٥٠ کاهن هیندۆسی و پیاوەیگ ئاینی موسەڵمانە وە ئاسانکردن وەشویداین دویەتەیل ناخاڵە لە ویلایەت ئاسام.
سینگ وتیش: تا ئیسە ٢١٦٩ پیاو لەبان ٤٠٧٤ باوەت لەلای پولیس دەسگیر کریانە، ک ناو ٨ هەزار پیاو هاناوی.
فرە لە ژن و ژنخوازین مناڵەیل لە ویلایەت ئاسام وەفەرمی توومار نیەکەن، هەرچەن ئەو ویلایەتە ٣٥ مەلیۆن کەس لەناوی هەس.
١٥٥ ژنخوازین مناڵەیل تەنیا لە ساڵ ٢٠٢١ لە ویلایەتەگە توومار کریا، و لە ساڵ ٢٠٢٠ رەسیە ١٣٨ ژنخوازین مناڵ، وەگورەی قسەی نوسینگەی نیشتمانی ئەرا لیستەیل تاوانی.