شەفەق نیوز/ میدیایل راگەیانن هندستان، ئمڕوو جمعە، خەوەردان لە مردن ٢٢ کەس لەوەر بەرزەوبوین پلەی گەرمی ئەرا ئاستەیل پەیمانەیی وەماوەی هەفتەی گوزەشتە لە وڵاتەگە.
میدیایل وتن: دە کەس کە شەشیان ژن بوینە، لەوەر تاو خوەر گیانیان لەدەسدان وەماوەی هەفت ساعەت لە ویلایەت ئودیشا، و تۆ کەسیش لە ویلایەت بیهار وەماوەی ٢٤ ساعەت گوزەشتە مردنە، هەمیش گەرمی گیان سێ کەس لە ویلایەت جهارخاند وەماوەی ٣٦ ساعەت گوزەشتە سەنیە.
دەسەڵاتەیل هندستان وتنیش: ویلایەتەیل بیهار و ئودیشا کەفتنەسە وەر گەرمی سەختیگ مەزەنە کریەێد تا سوو شەممە وەردەوام بوود.
لە ناجبور، لەلای کەمەو تەرم ٢٠ کەس نەناسیای لەناوەین ٢٤ و ٣٠ ئایار پەیا کریاس، کە لەوەر تاو خوەر گیانیان لەدەسدانە.
هندستان تاوسان فرە گەرمیگ وەخوەی دوینێد، و بەشیگ لە نیودیلهی پایتەخت بەرزترین پلەی گەرمی توومار کرد، کە رەسیە ٥٢.٩ پلەی سەدی، ئەوەیش وەرجە چەن رووژیگ لەی هەفتە.