شه‌فه‌ق نيوز/ هاوپه‌يمان ناوده‌وڵه‌تى دژ تيرۆريسته‌يل له سوريا و عراق، ئاشكراى بوردمانكردن دو مزگفت كرد له ماوه‌ى دو رووژ گوزه‌يشت ك چه‌كداره‌يل ريكخرياگ داعش هاورديانه‌يان كار جوور بنگه‌ى سه‌ركردايه‌تى و چه‌ودێرى له ئاوايى سوسه له خوه‌رهه‌ڵات سوريا.
هاوپه‌يمان ناوده‌وڵه‌تى وه سه‌رۆكايه‌تى وڵاته‌يل يه‌كگرتگ له به‌ياننامه‌يگ ئه‌وه ده‌رخست مزگفته‌يليگ بوردمان كردگه ك داعش هاورده‌سه‌يانه كار له‌وه‌ر ده‌سوه‌پيكردن په‌لاماره‌يليان له‌وراوه دژ هاوپه‌يمانه‌يل هيزه‌يل ديموكراسى سوريا له سوسه.
هاوپه‌يمان ناوده‌وڵه‌تى وت: يه‌كيگ له‌و مزگفته‌يله جوور بنگه‌ى وه‌رگرى و ناوه‌ند سه‌ركردايه‌تى هاورياوێده كار و ئاماژه‌يش وه كوشتن شماره‌يگ تيرۆريست كرد ك ته‌قه كردوێن له جه‌نگاوه‌ره‌يل سه‌ر وه هيزه‌يل ديموكرات سوريا ك هاوپه‌يمانيگ عه‌ره‌بى و كورد و له‌لايه‌ن وڵاته‌يل يه‌كگرتگه‌و پشتگيرى ئه‌كريه‌ن.