شەفەق نیوز/ سوپای هیندستان، شەوەکی ئمڕوو شەممە، بەیاننامەیگ بڵاوکرد، دوای پەلامار پاکستان وەبان هیندستان و لەلای کەمەو پەنج کەس کوشت، یەیش لە وەڵام پەلامارە مووشەکییەیل هیندستان کە لە شەویگ سێ بنکەی ئاسمانی پاکستانی کردە ئامانج.

سوپای هیندستان "تەقەلا ئاشکرایەیل پاکستان ئەرا پێشێلکردنی سەروەری هیندستان و خستن رخ لەبان هاوڵاتیەیل مەدەنی وە قبوڵنەکریاگ زانست" وتیش: "پلانەیل دوژمن پویچەڵ کەێد".

سوپای هیندستان لەبان پلاتفۆرم X دیاری کرد: "ئیمە چەن فڕۆکەیگ بێفڕۆکەوان چەکدار دوژمنمان دەسنیشانکردیمنە کە وەبان شار ئەمریتسار فڕن، یەکەیل وەرگری ئاسمانیمان دەسوەجی پەلاماریان دان و لەناویان بردن".

 وتیش: پەرەسەنین ئاشکرای پەلامارەیل فڕۆکەی بێفڕۆکەوان و تەقەمەنی ترەک پاکستان وەدرویژایی سنوور خوەرئاوامان وەردەوامە.

لە خود چوارچیوە پولیس کوشیان پەنج کەسی لە ناوچەی جامو لە کشمیر کە لەلایەن هیندستانەو وەڕیەو چوود، لە پەلامارەیل پاکستان کە شەوەکی ئمڕوو شەممە دەسوەپی کرد راگەیان.

پەیامنێرەیل ئاژانس فرانس پرێس خەوەر ژنەفتن دەنگ رممە لە شار سریناگار، لە کشمیر کە ها دەس هیندستانەو  راگەیانن.

وەزارەت فڕۆکەوانی شارستانی هیندستان بەسیان 32 فڕۆکەخانە لە سەرتاسەر وڵاتەگە راگەیان، یەیش لە وەختیگ کە جەنگ ناوەین نیودەلهی و ئیسلام ئاباد پەرە سەنیە.

پاکستان شەوەکی ئمڕوو شەممە، دەسوە ئۆپەراسیۆنیگ سەربازی کرد لە وەڵام پەلامار هیندستان چەن ساعەتیگ وەرجەیە کە سێ بنکەی ئاسمانی کردە ئامانج.

تەلەفزیۆن دەوڵەت پاکستان راگەیان کە "پەلامار تووڵەسەنین جیوەجی کریەێد و چەن شوینیگ لە هیندستان کریانەسە ئامانج".

سوپای پاکستان راگەیان کە دامەزراوەیگ هەڵگردن مووشەک و بنکە ئاسمانییەیل هیندستان لە پاتانکۆت و ئودهامپور کردیەسە ئامانج.

سەرچەوە سەربازییەیل پاکستان راگەیانن کە سوپای پاکستان لە چوارچیوەی ئۆپەراسیۆن "ئەلبونیان ئەلمەرسوس" ٣٦ ئامانج جیاواز لە هیندستان بمباران کردگە.

ئەحمەد شەریف، قسەکەر سەربازی پاکستان شەوەکی ئمڕوو شەممە، راگەیان کە هیندستان مووشەک وەرەو سێ بنکەی ئاسمانی پاکستان وەشانیە و وەرگرییەیل پاکستان "وە سەرکەفتگیی ریگری لە فرەیان کردنە".

شەریف لە وتاریگ تەلەفزیۆنی وت: "بەشیگ لە مووشەکەیل ناوچەیل خوەرهەڵاتی پەنجاب، لە ناوخۆی هیندستان داگە"، دووپاتیش کرد کە "هەموو گشت و سامانەیل هاز ئاسمانی پاکستان بیوەیە".

دیاری کرد کە پەلامارەگە لەناو خاک پاکستان ئەنجامدریاس، بەڵام هویچ هویردەکارییگ زیاتر لە بە ئەگەر زیانەیل گیانی یا وەڵامدان سەربازی ئاشکرا نەکریاس.

لە پیشهاتیگ پەیوەندیدار، سەرۆکوەزیرەیل پاکستان، شەهباز شەریف، ئمڕوو شەممە، داوای گردەوبوین دەسەڵات فەرماندەیی نیشتمانی کرد.

ئەو دەزگا باڵاترین دەزگاس کە لە وەرپرسەیل مەدەنی و سەربازی دروس بویە، و وەرپرسیارە لە بڕیاردان ئەمنی، لەوانەیش ئەو بڕیارەیلە کە پەیوەندی وە جبەخانەی ئەتۆمی وڵاتەو دیرن.