شەفەق نیوز/ دەسەڵاتدارەیل ئەمەریکا راگەیانن شمارەی کوشیاگەیل زریان هێلین لەلای کەمەو رەسیە 63 کەس، و ڕزگارکەرەیل لەوەر بەسیان ریوبانەیل و پیەڵەیل نوایان گریا، لە رەسین ئەرا کەسەیلیگ لەناو ماڵەیل چەن ویلایەتیگ باشوور و خەەرهەڵات وڵات.

 تیمەیل فریاگوزاری لە تەقەلان ئەرا گلەوداین کارەبا و  خاسکردن لیهاتیەیل زریانەگە، کە لافاویگ هاورد ریوبان و ماڵ و فرۆشگایل و نقوم کرد و بەش فرەیگ لەلییان ویران کرد.

ئاماریگ کە لەلایەن ئاژانس فرانس پرێسەو بڵاو کریاس وو پشتبەسین وە زانیاریەیل دەسەڵاتە ناوخۆییەیل، باس ئەوە کرد کە لەلای کەمەو ٢٤ کەس لە کارۆلینای باشوور، ١٧ کەس لە جۆرجیا، ١١ کەس لە فلۆریدا، ١٠ لە کارۆلینای باکوور و کەسیگ لە ڤێرجینیا کوشیانە.

ناوەند نیشتمانی زریانەیل ئەمریکا وت: "لە رووژ شەممە رەوشەگە وەردەوام بوود لە خاسترەوبوین دویای لافاوە کارەساتبارەگەی دوو رووژ گوزەشتە".

 ئیوارەی رووژ پنجشەممە، زریان هێلین رەسیە هشکانی لە باکوور خوەرئاوای ئاوای فلۆریدا و وە پەیمانەیگ 5 پلە رەسیە پلەی چوارەم، وا وەتونی 225 کیلۆمەتر لە ساعەتیگە.

 بار نائاسایی فیدراڵی لە ٦ ویلایەت ڕاگەیەنیا: ئەلاباما، فلۆریدا، جۆرجیا، کارۆلینای باکوور، کارۆلینای باشوور و تێنسی.

 لە دورگەی سیدار کیس کە شمارەی دانیشتگەیلی چەن سەد کەسە و کەفێدە کەنارەیل خوەرئاوای فلۆریدا، قەواسەی ماڵەیل رمیا و دیوارەیلیش ویران بوین.

ئیجا زریانەگە روی وەرەو 

 چەن ویلایەتیگ ئەمریکا و کە بویە هوکار رمیان زەوی و  لافاوەیل سەختیگ، تەنانەت شار ئەشڤیل لە ویلایەت کارۆلینای باکوور.