شەفەق نیوز/ سیما سادات لاری قسەکەر وەناو وەزارەت تەندروسی وچارەسەری و هووکارەی پزشکی ئیرانی، راگەیان ژمارەی تووشهاتنەگان وە ڤایرۆس کۆرنا لە وڵاتەگە، تا نیمەڕو رووژ جمعە، رەسیە ٣٣٨ هەزار و ٨٢٥ کەس، و لە ٢٤ ساعەت گوزەیستە ١٦٩ مردن نوو وە ڤایرۆسەگە تۆمار کریا، تا بڕ ژمارەی مردنەگان وە کۆرۆنا لە ئیران بڕەسێدە ١٩ هەزار و ٣٣١ کەس.
سادات لاری لە وتارە رۆژنامەوانیەگەی ئمڕوو وت: لە ماوەی ٢٤ ساعەت گوزەیشتە ٢،٥٠١ تووشهاتن نوو وە ڤایرۆس کۆرۆنا تۆمارکریا، تا بڕ ژمارەی تووشهاتگەیل ڤایڕۆسەگە لە وڵاتەگە بڕەسێدە ٣٣٨ هەزار و ٨٢٥ کەس تا ئیسە.
و ئاماژەدا ک ١،١٧٣ کەس لە بڕ تووشهاتگەیل ڤایرۆسەگە لە ماوەی ٢٤ ساعەت گوزەیشتە چارەسەری وەگرن.
وتیش؛ ژمارەی خاسەوبویەیل لە کۆرۆنا لە ئیران رەسیە ٢٩٣ هەزار و ٨١١ کەس تا ئیسە، و ٣،٩٥٦ لە تووشهاتگەگان لە ووڵاتەگە هانە رەوش سەختیگ لە چەودیری وورد.