شەفەق نیوز/ میدیایل راگەیانن ئیرانی، ئمڕوو یەکشەممە، خەوەردان کە یەکیگ لە فڕۆکەیل وەرد ئیبراهیم رەئیسی سەرۆک ئیران تویش رویداویگ هات و کەفتە خوارەو.
ئاژانس "تەسنيم" ئیرانی وت: هیلیکۆپتەر سەرۆک ئیران و وەزیر دەیشت، تویش رویداویگ هات، هەنای وەڕیەو بوین وەرەو پارێزگای ئازەربایجان خوەرهەڵات.
دیاری کرد بەشیگ لە یاوەرەیل ێەڕیسی توەنستن پەیوەندی وە ناوەند بکەن، ئەراوە ئومید هەس ئی رویداوە زەرەد گیانی نەیاشتوود.
جی باسە کە سێ هیلیکۆپتەر لەی کاروانە بویە، و دووان لەلیان کە بەشیگ لە وەزیر و وەرپرسەیل هاناویان وەبیوەیی رەسینە.
تەلەفزیۆن ئیرانی باس کرد کە یەکیگ لە هیلیکۆپتەرەیل وەیاوەری سەرۆک ئیران لە کاروانەگەی وەرەو ئازەربایجان خوەرهەڵات تویش رویداویگ هات.
دووپات کرد کە تیمەیل رزگارکردن ئیران خوازن بڕەسنە شوین رویداوەگە.
جی باسە کە سەرۆک ئیران شەوەکی ئمڕوو وەگەرد هاوتەریب ئازەربایجانی بەندایگ لەبان سنوور دوو وڵات واز کرد.