شەفەق نیوز/ حکومەت ئیران، ئمڕوو سێشەممە، راگەیان کە هەزاران هاوڵاتی ئیرانی، وەماوەی لەی رووژەیل کەمە خاک سوریا هیشتنە جی.

فاتمە موهاجرانی خانمە قسەکەر حکومەت ئیران، لە کۆنگرەیگ رووژنامەوانی لە تەهران وت: نزیکەی 4000 هاوڵاتی ئیرانی لە ماوەی ئی سێ رووژ دویاییە لە شەست رمانن بەشار ئەسەد سەرۆک سوریا، لە سوریا دەرچگن.

دیاری کرد کە دەرکردن ئەو هاوڵاتیەیلە وە 10 کاروان ئاسمانی وەلایەن کۆمپانیای فڕۆکەوانی "ماهان" ئیرانی وەڕیەو چگ.

جی باسە کە ئیران وەگەرد روسیا، دیارترین هاوپەیمان سەربازی بوین ئەرا رژیم ئەسەد، کە وە جەنگ ئاسنین تا ماوەی دوو دەیە حکومڕانی سوریا کرد، وەگەرد ئەوەیش هیزەیل مۆسکۆ و تەهران لەناوڕاس وسیان، لە وەختیگ هاوپەیمان ئۆپۆزسیۆن چەکدار زویوەزوی لە سەرتای ئی هەفتە توەنستن رژیم بڕمنن.

ئی رویداوەیل دواییە، ئاڵشتبوین وەرچەویگ لە سیمای سیاسی سوریا دروس کرد، کە هاوپەیمانەیل رژیم وەرین دەسوەردان نەکردن تا نەڕمێد، کە پرسیار لە هەڵوێست بانان ئی لایەنەیلە دروس کەێد لە گەشەیل ناو سوریا.