شەفەق نیوز- تاران

ئمڕوو شەممە، رویوەڕویبوین سەختیگ هەڵایسان، لەناوەین هیزەیل ئەمنی ئیرانی و چەکدارەیل سەروە ریخریاگ "جەیش ئەلعەدل" بەلۆچی ئۆپۆزسیۆن لە ناوچەی بەخشان، لە شار سەراوان سەروە پارێزگای سیستان و بەلۆچستان لە باشوور خوەرەڵات ئیران، وەپای ئاژانس هەواڵ "مهر".

 ئاژانسەگە روون کرد کە یاریدەدەر کاروبار ئەمنی و جیوەجیکردن یاسا لە پارێزگای سیستان و بەلۆچستان، دووپات کرد کە "کۆمەڵەیل ئۆپۆزسیۆن دژ وە رژیم لە سەراوان گردەو بۊن ئەرا جیوەجیکردن کارەیل تیرۆریستی، و رۊوەڕۊ پەلاماریگ لەنەکاو ئەمنی و گورزیگ قورس بۊنە، دۊای چەودێریکردن جۊلەیلیان لەڕی هەواڵگرییەو".

هەمیش راپۆرتەیل خەوەردان لە دەسکردن ئۆپەراسیۆنیگ ئەمنی فراوان لە ئمڕووەو ئەرا "پاکەوکردن" بارەگایگ کە گومان کریەێد ماڵ تیمیگ سەروە "ئەندامەیل دژ وە ئاسایش" بوود لە شار سەراوان.

 وەپای زانیارییە سەرەتاییەیل، ئۆپەراسیۆنە هەماهەنگەگە نزیکەی سەعات چوار شەفەق دەس وەپی کردگە، و هێمان وەردەوامە، لە ناوڕاس تەقەلایەیل ئەمنی ئەرا دەسگیرکردن ئەو ئەندامەیلە کە لەناو بارەگاگە هەن و تەواوکردن "ئۆپەراسیۆنەیل پاکەوکردن".

 راپۆرتە سەرەتاییەیل دەسنشان دان ئەرا زەخمداربۊن و کوشیان شمارەیگ لە ئەندامەیل کۆمەڵەگە مەوقە رویوەڕویبوین، لە وەختیگ تا ئیسە هیچ هۊردەکارییگ فەرمی لەباوەت شمارەی قوربانییەیل یا ئامار کووتایی ئەرا ئۆپەراسیۆنەگە دەرنەچگە.