شەفەق نيوز/ کەناڵ 12ی ئیسرائیلی، ئمڕوو سێشەممە، راگەیان کە وەرگری ئاسمانی نواگیری لە دوو مووشەک ئیرانی کرد، لە وەختیگ فریاکەفتن ئیسرائیلی خەوەردا لە زەخمداری پیاییگ هەناێ روی وەرەو پەناگەیل کردوێد.
کەناڵەگە وتیش: دوو مووشەک لە ئیرانەو وەرەو باکوور ئیسرائیل وەشیانە، وەلێ وەرگری ئاسمانی توەنست نوایان بگرێد.
ئێزگەی سوپای وت: یەک مووشەک لە ئیرانەو وەرەو باکوور ئیسرائیل وەشیاس.
لەلای خوەییش، بتسلئيل سموتريتش وەزیر دارایی ئیسرائیل وت: ئەوەسا تەهران تیەێدە لەرزە.
رووژنامەی "يسرائيل هيوم" لە زوان فریاکەفتن ئیسرائیل دووپات کرد کە هیچ زەخمدارییگ توومار نەکریاس بیجگە پیاییگ مەوقەی رویکردن وەرەو پەناگە.
بەرەی ناوخوەیی ئیسرائیل راگەیان کە ئیسرائیلیەیل توەنن لە پەناگەیل بانە دەیشت.
یەیش دویای نزیکەی سێ ساعەت لە رەسین ئاگربەسی وەناو ئاست جیوەجیکردن، کە دۆناڵد ترەمپ سەرۆک ئەمریکا دویەشەو دووشەممە لە وەخت دیریگ ئاشکرای کرد.