شەفەق نیوز/ ریژەی مووچەی  فەرمانبەر حکومەتی لە عراق رەسیە زیاتر لە ٥٨٠ دۆلار لە ماوەی ساڵ ٢٠٢٢، وەگورەی گۆڤار CEOWORLD ئەمریکی.

گۆڤارەگە لە راپۆرتیگ ئاژانس شەفەق نیوز نووڕیەی وت: ناوڕاس ئاست مووچەی مانگانەی فەرمانبەر عراقی دویای بڕین باج، رەسیە ٥٨٣ دۆلار، وەیەوە کەفێدە پلەی دەیەم لەناو دەوڵەتەیل عەرەو، و پلەی ٦٢ لە جەهان،  وە بەراوردی وەگەرد ١٠٥ دەوڵەت لەناو خشتەگە.

لەناو دەوڵەتەیل عەرەو وەیجویرە هات:

ئیمارات یەکەمە، و لە پەنجەم جەهانە وە ٣٦٦٣ دۆلار، قەتەر دویەمە، و لە پلەی ١١ لە جەهان وە ٣١٦٨ دۆلار، ئیجا سعودیە سێیەمە، و لەپلەی ٢٥ لەجەهان، وە ١٨٨٨ دۆلار،  کوەیت چوارەمە، و لەپلەی ٢٦ لە جەهان وە ١٨٥٤ دۆلار، بەحرەین پەنجەمە، لەپلەی ٢٨ لە جەهان، وە ١٧٢٩ دۆلار.

وەگورەی راپۆرتەگە، سەڵتەنەتی عومان شەشەمە لەناو عەرەو، و لە پلەی ٣٠ جەهانە، وە ١٦٢٦ دۆلار، ئیجا لوبنان هەفتەمە لەناو عەرەو، لە پلەی ٤٧ لە جەهان، وە ٨٣٧ دۆلار، ئیجا فەلەستین هەشتەمە، لە پلەی ٥٢ لە جەهان، وە  ٧٧٨ دۆلار، ئوردن نۆهەمە، لە پلەی ٦١ لە جەهان، وە ٥٩٩ دۆلار، ئیجا عراق تیەێدە پلەی دەهەمین لەناو وڵاتەیل عەرەو، ٢ کەفێدە پلەی ٦٢ لە جەهان.

لە ئاست جەهان، سویسرا لە پلەی یەکەم هات وە مووچەی ٦١٤٢ دۆلار، ئیجا سەنگافوورە وە ٣٣٥٠ دۆلار، ئیجا ئوسترالیا وە ٤٢١٨، ئیجا پاکستان وە ١٦٣ دۆلار،  و سیریلانکا لە دویاترین خشتەگە هات وە ١٦٣ دۆلار.