شه‌فه‌ق نيوز/ سبستيان كۆرتس راوێژكار نه‌مساوى جه‌خت كرد و وت: نه‌بايه‌د توركيا به‌خت وه‌رگرتن ئه‌ندامێتى له يه‌كێتى ئۆرپا وه‌ربگرێد وه بوونه‌ى ئه‌و ريڕه‌و سياسيه ك ديرێده‌ى له حاڵ حازر.
كۆرتس له باسيگ ئه‌را رووژنامه‌نويسه‌يل وت: ده‌سدريژيه‌يل فريه‌يگ له توركيا دوينيم دژ مافه‌يل ئاده‌ميزاد و ئازاديه‌يل بنه‌ڕه‌تى و هه‌ر له‌وه‌ر ئه‌وه‌يش بيده‌نگى يه‌كێتى ئۆرپى له‌ى حاڵه‌ته‌يله ره‌ته‌و ئه‌كه‌م جوور ئه‌وه‌گ هويچ چشتيگ روێ نايه‌ێد.
جى باسه، كۆرتس هه‌ميش وت: باوه‌ڕم ئه‌وه‌سه ك نه‌بايه‌د توركيا باێده ناو يه‌كێتى ئۆرپا له‌ئاكام ئه‌و روێداگه‌يله ك ئه‌نجامى ئه‌ياد له‌ى ماوه‌يل دوياخره‌و خاستريش ئه‌وه‌سه گفتگوو له‌ى باوه‌ته‌و بووسنريه‌ێد.