شه‌فه‌ق نيوز/ سه‌ندووق نه‌خت ناوده‌وڵه‌تى، ئاشكراى ئه‌وه كرد ئمساڵ په‌تاى كۆرۆنا ئابورى جه‌هانى وه‌ره‌و داوه‌زين فريه‌يگ ئه‌وه‌ێد و پيشبينى يه‌يش كرد وه‌ڕيژه‌ى 3% داوه‌زێد.
سه‌ندووقه‌گه وت: ئابورى جه‌هانى نزيكه‌ى 9 تريليۆن دۆلار زه‌ره‌د ئه‌كا له ماوه‌ى دوساڵ وه بوونه‌ى بڵاوبوينه‌وه‌ى ڤايرۆس كۆرۆناى تازه.
جى باسه، سه‌ندووق ناوبرياگ وشدارييش دا له وجوود مه‌ترسيه‌يل گه‌ورا له ئه‌نجامه‌يليگ خراوتر له‌باره‌ى روێ وه‌ڕوێ بوينه‌وه‌ى په‌تاى كۆرۆناو داخستن زياتر له زوورم ده‌وڵه‌ته‌يل جه‌هان له‌ساى هه‌وڵه‌يل روێ وه‌ڕوێ بوينه‌وه‌ى په‌تاگه‌و كه‌مبوينه‌وه‌ى تواناى ريكخرياگه‌يل چه‌وديرى ته‌ندروستى.