شه‌فه‌ق نيوز/ شماره‌ى حوكمدرياگه‌يل هه‌رزه‌كار، له‌وانه‌گ ئمساڵ له ئيران دريانه له‌سێداره زياێ كردگه، ئه‌ويش وه گووره‌ى ئه‌وه‌گ نه‌ته‌وه‌يل يه‌كگرتگ ئاشكراى كرد و له‌تى داواى وسانن گورج ئه‌و حوكمه‌يل له‌سێداره‌داينه كرد ده‌رهه‌ق مه‌ده‌نيه‌يل وه‌تايبه‌ت ئه‌وانه‌گ ته‌مه‌نيان له 18 ساڵان كه‌متره.
له‌ى باوه‌ته‌و، نويسينگه‌ێ ماف ئاده‌ميزاد سه‌ر وه نه‌ته‌وه‌يل يه‌كگرتگ، ئه‌وه ده‌ره‌فت ك ئيران سێ كه‌س وه تومه‌ت تاوان له‌سێداره داگه له سه‌ره‌تاى 2018 تائيسه وه به‌راورد وه 5 حاڵه‌ت تر له‌سێداره ك له‌ساڵ 2017 ئه‌نجام دريا.
جى باسه، زه‌يد ره‌عه‌د ئه‌لحسێن كومسيار باڵاێ نه‌ته‌وه‌يل يه‌كگرتگ ئه‌را مافه‌يل ئاده‌ميزاد وت: بايه‌سه له‌بان ئيران پابه‌ند بدێ وه ياساى ناوده‌وڵه‌تى و وسانن گورج گشت كاره‌يل له‌سێداره‌داين ده‌رهه‌ق مه‌ده‌نيه‌يل له‌وه‌ر تومه‌ته‌يليان له‌وانه‌گ ته‌مه‌نيان له 18 ساڵان كه‌متره‌و له هه‌مان وه‌خت ئاماژه وه زيايبوين حاڵه‌ته‌يل له‌سێداره‌داينيش كرد.