شه‌فه‌ق نيوز/ بنيامين نه‌تانياهۆ سه‌رۆك وه‌زيره‌يل ئسرائيلى وشدارى دا فره‌نسا ئه‌را ئه‌وه‌گ گرينگى بيه‌ێده روێ وه‌ڕوێ بوينه‌وه‌ى دوشمنايه‌تى هه‌رێمى ك له‌لايه‌ن ئيرانه‌و مه‌شق ئه‌كريه‌ێد.
نه‌تانياهۆ وت: هه‌وه‌جه وه ئه‌وه ناكريه‌ێد قه‌ناعه‌ت وه پاريس باريه‌ێد خوه‌ى له رێككه‌فتنه ئه‌تۆميه‌گه بكيشێده‌و ك هيزه‌يل گه‌ورا له‌ساڵ 2015 وه‌ل ته‌هران ئمزاى كردن، چوينكه فشاره‌يل ئابوورى له‌بانى زاڵ ئه‌دێ.
نه‌تانياهۆ حاڵ حازر ها پاريس ئه‌را ئه‌نجامداين گفتگوو وه‌ل ئيمانۆيل ماكرۆن سه‌رۆك فره‌نسى ، ئه‌ويش له‌چوارچێوه‌ى گه‌شتيگ ئه‌را قه‌ناعه‌تكردن وه ده‌وڵه‌ته‌يل ئۆرپى ك ئمزا له‌بان ئه‌و ريككه‌فتنه كردنه وه‌ل ئيران وه‌ئه‌وه جوور واشنتۆن خوه‌يان له‌لى بكيشنه‌و.
جى باسه، سه‌رۆك وه‌زيره‌يل ئسرائيلى وتيش: ئيوه ريككه‌فتن خراويگ ئه‌نجام داينه‌و ناچار نيين پابه‌ند بوين وه‌پيه‌و، وه‌تايبه‌ت ئه‌گه‌ر ئيوه دوينين ك ئيران وڵات له دوياى وڵات داگير ئه‌كاو تواناى خوه‌يكيشانه‌وه له‌و ريككه‌فتنه نه‌يرين.