شەفەق نیوز- نوێنەر دەورەێ شەشم ناوچەێ مەریوان دە پارلمان ئێران، لە حەسەن رووحانی، وە دادگاێ عالی ئێران، شکایەت کرد.
ئەوی دە بڕیارنامەیێگ وانگ داگە: دوماێ ناهمیری و ناکامی لە ئجرای بڕیارنامەێ 10 مادەئی حەسەن رووحانی ک دە هەنسای کاندیداتوورییەگەێ ئەڕا دەورەێ یانزەهم سەروکایەتی ئێران واژۆ و بڵاوێ کرد، م جوور چالاکێگێ کورد دیم ک چارمان ناچارە تا لە ئەوی وە سنگەێ ئەو هەمگەێ بەڵگەنامە و موستەنەداتە ک قەواڵەێلێ بین وە رەسەت نەڕەسیاگ، شکایەتێ بکەم ئوو ئی کار خوەمە جوور دوماگام خوەم دزانم ئەڕا پەیجووری ئەو وادەێلە ک ئەڕا ئەڵوژاردنەگێ دا و دەنگ و رای هەفتاد لە سەد کوردستانییەێلە کیشا وەرەو خوەێ، ئجرایان نەکرد.
سوهرابی هەمجا وت: داخواز م یە بی ک وەێ کارمە شوون دیاری کردن ماف و بەش کەمهووزەێل ئێرانی، وە شێوەیێگێ قانوونی بگرم.
ئی پارلمانتالار ئەوسایین کوردە دە دومابەش قسەیلەێ وتگە: نەتیجەی دادڕەسی ئی شکایەتە هەر چێ ببێ ئەڕا ئیمە وتن ئی قسە ئوو شوونگیری حوقووقی ئی حەقە فرە گرینگ و وەگەرەکە تا لە یەولا گشت کاندیداێلەگە بزانن ک وادەێلێ راسکانی‌تر وە وڵات و وڵاتوەندەێلە بدەن.