دازگاگە راگەیانیە، " دویەشەو ساعەت 9:05  لە باکوور سیمی، بەلەمیگ وە 13 کووچبەر پلیایە، لە ئەنجام هەشت کووچبەر قورتارکریان و سێ پەیاکریاس و دوو کەسیش بیسەروشوین بوین کە مناڵ کوورپەیگ هاناویان".

ئاشکەرایکرد "  ساعەت 10:00ی  شەو لە ری یەکیگ لە کووچبەرەیل ناو بەلەمەگە زانیاری دریاگە ئەرا قورتارکردنیان" وتیش؛ " شوین رویداوەگە تەنیا  500 مەتر لە دوورگەی نیمۆس کە مەردم لەناوی زندگی نیەکەێد دویرە، تا ئیسە هویچ زانیارییگ لەبان رەگەز و تەمەن قوربانیەیل ئاشکەرا نەکریاگە".

دیاریکرد، رێکخریاگەیل مینەکردن و قورتارکردن وەردەوامن لە تەقەلای دیاریکردن شوین ئەو کەسەیلە کە لەناو کشتیەگە نقومبوینە.