شەفەق نیوز/ ریخریاگ کووچبەری ناودەوڵەتی، ئمڕوو شەممە، نقومبوین بەلەمیگ وەرانوەر کەناراوەیل لیبیا راگەیان، ک بویە هووکار نقومبوین ٣٥ کەس لەلای کەمەو.
ئەو ریخریاگە ک سەوەر نەتەوە یەکگرتگەیلە وت: رویداویگ نقومبوین بەلەمەگە رووژ جمعە، وەرانوەر کناراو شار سەبراتە لە خوەرئاوای لیبیا کەفتیە، ک خاڵیگ سەرکیە ئەرا کووچبەرەیل ئەفریقا وەپیەو لەناو دەریای ناوڕاس چن تا بڕەسنە ئەوروپا.
ریخریایەگە وتیش: تەرم ٦ کووچبەر دراوریا، و ٢٩ لەلیان بیسەروشوین بوینە، و وە مردی دریانە قەڵەم، وەگورەی ئاژانس ئەسیۆشیتد پڕس.