شەفەق نیوز/ ئەمریکا وەرز فرە سەختیگ لە ڤایرۆس زمسانە وەخوەی دوینێد، و مەزەنەیل دەسنیشان کەن کە لە ماوەی ١٥ ساڵ تونترین وەرزە.

یەکیگ لە نیشاندەرەیل ئەنفلۆنزا ریژەی سەدی سەردان پزشک بویە ئەرا وەرگردن چارەسەر ئەرا نیشانەیل هاوشیوەی ئەنفلۆنزا.

هەفتەی گوزەشتە ئەو شمارە وە ئاشکرا زیاترەو بویە لە لویتکەی هەر وەرزیگ ئەنفلۆنزای زمسانە لە ساڵ ٢٠٠٩-٢٠١٠ەو، هەناێ پەتای ئەنفلۆنزای وەراز ئەمریکا گردەو، وەگورەی ئەو زانیاریەیلە کە سەنتەر کۆنترۆڵکردن و مقیەتبوین لە بیمارەیل رووژ جمعە بڵاویان کرد.

ئەنفلۆنزاگە بویە مدوو ئەوە وەرپرسەیل لە بەشیگ ویلایەت مەکتەوەیل بوەسن.

 مەکتەو "جودلي ئیندبندەنت سكووڵ ديسترەكت"، لە نزیک شار فۆرت وۆرس لە ویلایەت تەکساس، هەفتەی گوزەشتە تا ماوەی سێ رووژ بەسیا، دویای ئەوەگ 650 خوەنەوار و 60 کارمەن لە رووژ سێشەممە ئامادەنەبوین.

جێف میدۆر، قسەکەر ناوچەگە راگەیان کە فرەی بیماریەیل ئەنفلۆنزا بویە، بیجگە لە ئازار قوڕگ، و وەرز ئەنفلۆنزا وە بەدترین وەرز باس کرد کە لە هویری بوود.

 تا ئیسە لەی وەرزە، سەنتەر کۆنترۆڵکردن بیماریەیل مەزەنە کەێد کە لەلای کەمەو ٢٤ ملیۆن کەس توبش ئەنفلۆنزا هاتنە لەگەڵ ٣١٠ هەزار کەس لە خەسەخانە خەفیانە، و ١٣ هەزار کەسیش گیانیان لەدەسدانە - لەناویان لەلایەن کەمەو ٥٧ مناڵ.

 وەشیوەیگ نەریتی وەرز ئەنفلۆنزا لە مانگ شوبات رەسێدە لویتکە.