شەفەق نيوز/ دەسەڵاتەیل ئیرانی، ئمڕوو یەکشەممە، کوشیان سێ کەس و تاسیان ١٣ کەس لەلای کەمەو راگەیانن، لە ئەنجام نزەکردن غاز ژەهراوی لە پاڵاوگەییگ باشوور وڵاتەگە.

حوجەتولڵا رەزایی باوەڕ کاروبار سیاسی و ئەمنی لە پارێزگای فارس وت: رویداوەگە لە ئەنجام نزەکردن غاز "H₂S" ژەهراوی لە پاڵاوگەی نەفت لە ناوچەی  زرقان نزیک شار شیراز بویەسە مدوو مردن ٣ کەس وەکوتپڕ و تاسیان ١٣ کەس ترەک.

 وتیش: لێکۆڵینەوەی سەرتایی ئاشکرا کرد کە کەموکوڵی٩اە پابەندبوین وە پەیمانەیل پیشەیی لەناو پاڵاوگە کردن، کە بویە هوکار رویداوەگە، دیاری کرد ئەو کەسەیلە کە تویش تاسیان هاتنە ئەرا خەسەخانەیل زرقان وشيراز بریان، تەندروسی فرەیان ئارامە.

لەلای خوەییش، سەعید نەزەری قایمقام قەزای زرقان وت: تیمەیل تایبەت لە وەرگری شارستانی و تەندروسی و ژینگە و چەودیاریکردن رەسینە شوین رویداوەگە، و وە کۆمپیتەر ئاست غاز لەناو پاڵاوگە و ناوچەیل نیشتەجیبوین پەیمانە کردن، وتیش: ئاست پیسبوین ئەرا سروشت خوەی هاتەو.

   پاڵاوگەی شیراز کەفێدە دویری ٢٢ کیلۆمەتر لە ری شیراز - ئەسفەهان، کە رووژانە ٤٠ هەزار بەرمیل نەفت خاو دەرکەێد، واتە لە ساڵیگ ٣ ملیۆن تۆن.

ئی دامەزراوە لە ژیرخانەیل گرنگە لە چین وزە لە پارێزگای فارس، و هەر گیچەڵیگ لە کارکردنی هاتێ قەیران سزەمەنی لە شیراز و ناوچەیل شانی دروس بکەێد.