شه‌فه‌ق نيوز/ نرخ نه‌فت وه بوونه‌ى ئه‌و پيشبينيه‌يله داوه‌زێ ك ريكخرياگ ئۆپيك هاوكاريه‌يلێ زياێ ئه‌كا له وه‌خته‌يل نزيكيگ له سه‌ره‌تاى مانگ حزه‌يران ك هه‌رچه‌نى بازاڕيش پشتگيرى ئه‌كريه‌ێد له وه‌رانوه‌ر مه‌ترسيه‌يل جيوسياسى.
نرخ نه‌فت خام خوه‌رئاواى تكساس 2 سه‌نت داوه‌زێ و نرخ هه‌ر به‌رميليگى له بازاڕه‌يل جه‌هانى ره‌سيه 72.18 دۆلار دوياى ئه‌وه‌گ له قوناغيگيش ره‌سيه 72.83 دۆلار.
جى باسه، نرخ نه‌فت خام برنت جه‌هانييش 4 سه‌نت داوه‌زێ و هه‌ر به‌رميليگى ره‌سيه 79.53 دۆلار، يه‌يش دوياى ئه‌وه‌گ رووژ سێشه‌ممه 35 سه‌نت زياتر بوێ و هه‌ر به‌ميليگى ره‌سيه 80.50 له هه‌فته‌ى گوزه‌يشت.