شەفەق نیوز/ نرخ دراو دیجیتاڵی "بیتکۆین" ، ئمڕوو جومعە، تەنیا لەماوەی یەک ساعەت زیاتر لە هەزار دۆلار داوەزین وەخوەی دی، یەیش وە مدووی داوەزین بەهای پشکەیل بانۆیگ تایبەت وە دراو دیجیتاڵیەیل و مەترسیەیل لەناوچگنی.
بتکۆین لەماوەی تەنیا ساعەتیگ زیاتر لە 5٪ـی نرخەگەی لەدەسدا لە 23 هەزار و 500 دۆلارەوە ئەرا 22 هەزار و 240 دۆلار داوەزین وە خوەی دی، وەیەیش زیاتر لە هەزار و 200 دۆلار لە نرخەگەی لەدەسدا.
یەیش وە مدووی ناروونیەیلە لەباوەت مەترسیەیل لەناوچگن بانک سلڤەرگەیتە.
لەوەر داوەزینەگەی ئمڕوو بەهای پویل بیتکۆین 22 ملیار دۆلار داوەزی و رەسیە 430.9 ملیار دۆلار.