شەفەق نیوز- جاکارتا

ئاژانس فەرەنسی، ئمڕوو شەممە، خەوەردا لە کوشیان بیس کەس لەلای کەمەو لە ئەنجام زەویلەرزەیگ وە هاز 7.7 پلە کە شەوەکی ئمڕوو لە وەرانوەر کەناراوەیل دوورگەی فلۆریس لە خوەرهەڵات ئەندەنوسیا رۊدا.

 ئاژانسەگە لە زوان فەتحوڕەحمان وەرپرس لە پرۆسەیل مینەکردن و رزگارکردن لە شار مۆمێری وت: "وەپای ئەو زانیاریەیلە کە رەسینەسە پیمان، 20 کەس کوشیانە و 6 زەخمدار بۊنە و هێمان دوو کەس هانە ژیر رمیاگەیل".

 روانگەی ئەمریکی سەنتەر زەویلەرزەگە لە وەرانوەر کەناراو باکوور دوورگەگە دیاری کردۊد، لە دۊری نزیکەی 68 کیلۆمەتر لە باکوور خوەراوای کەرت ئیندی، و وە قۊلییگ کە تەنیا رەسێدە 10 کیلۆمەتر.

دۊای زەویلەرزەگە دوو لەرزە لە خود ناوچە وە هغز 5.6 و 5.9 پلە رۊ دان.

 ئاژانس کەشوهەوا و زانست ئاووهەوا و جیۆفیزیا لە ئەندەنوسیا، هوشداری دا لە ئەگەر ئەوەگ زەویلەرزەگە بوودە مدوو شەپۆلەیل تسۆنامی.

 ئەندەنوسیا و وڵاتەیل هاوسای رۊداین زەویلەرزەیلیگ وەخوەیان دوینن وە شیوەیگ دووارەبۊ لەوەر کەفتنیان لەناو ئەڵقەی ئاگر لە زەریای هێمن، کە زنجیرەیگە لە ناوچە چالاکەیل لەڕۊ زەویلەرزەییەوە کە لە ژاپۆنەو دریژەو بوود و وە باشوور خوەرهەڵات ئاسیا رەد بوود و لەڕی حەوز زەریای هێمنەو.