دسەڵاتەیل دادوەری فەرەنسا وتن: گەنجیگ لەناو تەمەن سی ساڵان، ئاشکرای کوشتن دووسەگەی لە کانوون دویەم گوزەشتە کرد، تا لەلی قورتار بوود، و تەنیا وەگەرد یار درووکانییگ بمینێد، کە دەرکەفت ئەوەیش پیاییگ درووزنە لە کون دیفوار لە ئەفریقیا نیشتگە.
لە ٢٨ کانوون دویەم گوزەشتە، تەرم ئەو دویەنە لە داڵگبوی ١٩٩٥ پەیا کریا کە لەناو ماڵەگەی لە بوسان باکوور فەرەنسا کوشیاس.
هەناێ بکوشەگە ئاگاداری وە کوشیان دویەتەگە رەسان، وت: کەسیگ ئی دویەتە کوشتیە و پویلەگەی دزیە، باوجی لە لێکۆڵینەوە دەرکەفت کە پیاوەگە پەیوەندی دڵداری لەبان ئەنتەرنێت داشتیە وەگەرد کەسیگ کە خاس نیەناسێدەی.
وەگورەی رووژنامەی (لۆ پاریزیان) ئەو کابرا وەناو ژنیگ (بیاتریس لورۆ) لەبان فەیسبووک خوەی ناسانیە، کە گوایە لە شار بریست کار بازرگانی کەێد.
ئی بارە درووکانی بوی، و توومەتبارەگە ٢٢٠٠ یۆرۆ ئەرا ئەو کابرای درووزنە کا کردیە.
دویەکە توومەتبار ئەرا دادگا بریا وە توومەت کوشتن هاوبەشەگەی.
جی باسە کە وەزارەت داد ٩٤ کوشتن ژن لە فەرەنسا لە ساڵ ٢٠٢٣ توومار کردیە.