شەفەق نیوز/ گەنجیگ لە ویلایەت ويسكونسن ئەمریکار نویسنگەی یەکیگ لە ئەندامەیل کۆنگریس کۆماری سزان، لە تویڕەیی لەبان قەیەغەکردن تیک تۆک.
پولیس وت: نویسنگەی فزند دو لاک هن نوێنەر جلین گروسمان، ساعەت 1 دویای نیمەی شەو یەکشەممە سزیا، کە دەسەڵاتەیل شوین ئەو گەنجە دیاری کردن لە تەمەن 19 ساڵان کە سزانیەسەی.
پولیس وت: ئەو کوڕ ناخاڵە ئەرا پولیس وتیە نویسنگەگە سزانیە لەبان قەیەغەکردن تیک تۆک.
پولیس وتیش: کوڕەگە خریاسە زیندان لە ناوچەی فۆند دو لاک وە توومەت ئاگردان.
پولیس دیاری کرد کە وەخت سزیانەگە ئەو نویسینگە چووڵ بویە، و خەوەر لە زەخمداری کەسیگ نەڕەسیە.
کۆنگریس قەیەغە لەبان تیک تۆک چەسپان، و رووژ یەکشەممە چگە ئاست جیوەجیکردن.
ترەمپ پەیمان دا وە واژووکردن فەرمانیگ تا وەختیگ زیاتر بەێدە ئەو ئەپڵەکەیشنە تا بڕەسێدە رێککەفتن وەرد حکومەت ئەمریکی.
دویای ئەوە کۆمپانیای تیک تۆک دووارە کەفتەو کار.