شەفەق نیوز/ سەرۆک وەزیرەیل ئیسرائیل، ئمڕوو چوارشەممە، وت: شار قودس هەر وە پایتەخت هەمیشەیی دەوڵەت ئیسرائیل مینێد، و قەت ئاڵشت نیەوود.
نتنیاهو لە وتارەیل رووژنامەوانی وت: جاران "دەژمنەیل" تەقەلا دان ئیسرائیل لەناو نەخشە بسڕنەو، و یەسە کە ئمڕوو حەماس و حزبولڵا و ئیران خوازن.
وتیش: قودس هەر وە پایتەخت ئیمە مینێد، و لە ژیر سەروەری ئیسرائیل مینێد، و کار ئەرا گەشەکردن قودس پایتەختمان کەیمن، وئەوەسا بڕیارەیل فرەیگ ئەرا گەشەکردن شارەگە دەرکەیمن.