شەفەق نیوز/ بنیامین نتنیاهو سەرۆک وەزیرەیل ئیسرائیل، شەو پەنجشەممە - جمعە، راگەیان کە کوشتن یەحیا سنوار ریبەر بزووتنەوەی حەماس جویر سەرتای کۆتاییە ئەرا ئی جەنگە ناوەین سوپای ئیسرائیل و بزووتنەوەی فەلەستینی لە کەرت غەززە کە یە ساڵیگە وەردەوامە.

نتنیاهو لە پەیامیگ ڤیدیۆیی وت: یەحیا سنوار کرد، کە لە رەفەح کوشیا، وە دەس سوپای ئیسرائیل، و دووپات کرد کە یە کۆتلێێ جەنگ لە غەززە نییە، وەلێ سەرتای کۆتاییە.

دویای رەسینی ئەرا ئەڵمانیا، جۆن بایدن سەرۆک ئەمریکا دووپات کرد کە پەیوەندی وەرد نتنیاهو کردیە تا پیرووزبایی لەلی بکەێد ئەرا کوشتن یەحیا سنوار سەرکردەی بزووتنەوەی حەماس.

بایدن وت: پەیوەندی وە سەرۆک وەزیرەیل کرد تا پیرووزبایی لەلی بکەێد ئەرا کوشتن سنوار، کە دەسی وە خوین فرەیگ پلگیاوێد.

وتیش: ئیرنگە مەوقەی وەرەونواچگنە، و باس ئومید خوەی کرد لە رەسین ئەرا ئاگربەسی لەو جەنگە کە وەرجە ساڵیگ دەسوەپی کرد، لە پشت پەلامار حەماس وەبان باشوور ئیسرائیل لە هەفت ئۆکتۆبەر.