شەفەق نیوز/ وەزارەت ناوخوەی کوێت، هوشداری دادە خاوەن حسێنیەیل شیعە لە بەرزکردن پەرچەم و ئاڵا، و هەڕەشەی سزادان دا.
وەزارەتەگە لە بەیاننامەیگ وت: بایەسە خاوەن حسێنیەیل پابەند بوون وە یاسا و رینمایەیل وەخاتر مقیەتیکردن بیوەیی گشتی.
دووپات لەبان گرنگی پابەندبوین وەوە کرد کە هویچ پەرچەمیگ یا پارچە و تابلۆی پەڕوو بیجگە پەرچەم دەوڵەت کوێت هەڵنەیەن.
دیاری کرد کە تەنیا ری دریەێد وە بەرزکردن یەک پەرچەم لەبان حسێنیەیل، ئەوەیش وەبی دروشم.
ناوخوەیی کوێت هەڕەشە دا کە هەر چادریگ یا کوشکیگ لە دەیشت حسێنیەیل لاوریەێد.
وەزارەتەگە وتیش: ئەوەسا یاساگە وەگشت زبرییگ جیوەجی کریەێد وەرانوەر هەر کەسیگ پابەند وە یاسا نەوود.
وتیش: پیاوەیل ئاسایش هانە ئەو ناوە لە حسێنیەیل ئەرا رێکخستن جموجویل و مقیەتیکردن ئاسایش، ئەراوە ری وە خوەیبەخشەیل نییە بەشداری لە هویچ چالاکییگ لە دەیشت حسێنیەیل بکەن.