وەگورەی راپۆرتەگە، بڕیگ کەسایەتی دیار سیاسی پشتگیریکردن خوەیان ئەرا ئی بڕیارە نشان دانە و وەرجەیەیش لە بانگەوازیان راگەیاننە کە خەڵک لەجیای هیندستان واژەی “بەهارات” وەکار بارێد و وتنیش ئی ناوە ئەوەسە کە وڵاتەگە ئەرا چەن سەدەیگ ناسریایە .

 نارێندرا مودی سەرۆک وەزیرەیل نووڕینیگ هاوشیوە نشان دا، لە 15ی ئاب 2022 لە بان دیوارەیل قەڵای سوور بانگەواز لە هاووڵاتیەیل کرد پەنج بەڵێننامە وەربگرن، یەکیگ لەو پەیمانەیلە ئەوە بوی کە دویربون لە گشت جیماگەی کۆیلایەتی، یەیش جویر هیمایگ  وەرەو باوەشکردن وە ناسنامەی ڕەسەن وڵات.

جی باسە کە ئەو فڕۆکەی تایبەتە کە سەرۆک و جیگر سەرۆک و سەرۆکوەزیرەیل وەپی هامشوو کردن ناو "بەهارات" لەقەیی نویسیایە.

 لە دانیشتن وەرزی پەرلەمان کە لەی دواییە کۆتایی هات، پەرلەمانتار پارت بەهاراتیا جانتا ڕاجیا سەبا، نارێش بانساڵ داوای لاوردن وشەی "هیندستان" لە دەستوور کرد و وت  وشەی کۆیلایەتی کۆلۆنیالیزمە.  هاوڕێ پەرلەمانتار پارت بەهاراتیا بی جێ پی، هارنات سینگ یاداڤ هەمان قسەی دووپاتکرد و داوای ئاڵشتکردن دەستووری کرد لە وشەی "هیندستان" ئەرا وشەی "بەهارات".