شەفەق نیوز/ سێرگی ئەندریێف باڵیۆز رووسیا لەلای پۆڵەندا، کەفتە وەر بۆیاغ سوور، ئمڕوو دووشەممە، هەنای رەسیە قەورسانیگ لە وارسو تا چەپکە گوڵیگ وە رێزگردن ئەرا سەربازەیل سوپای سوور دانەێد، ک لە جەنگ جەهانی دویەم کوشیانە.
ئەندریێف رەسیە قەورسان سەربازەیل سوڤێت تا چەپکە گوڵیگ دانەێد، و لەورا بڕیگ لە چالاکوانەیل دژوە جەنگ رووسیا لە ئۆکرانیا چەوەڕیی کردن.
پارچە ڤیدیۆییگ نشان کابرایگ دەێد بۆیاغ سوور لە پشت ئەندریێف وەشنێد، وەرجەیە یەکیگتر لەو ناڕەزایلە بڕیگتر بوەشنێدە دەمچەوی.
ناڕەزایلە نەیشتن باڵیۆزەگە و ئەندامەیل شاند رووسیا چەپکە گوڵەگە لە قەورسانەگە دانەن.
ناڕەزایلە پەرچەم ئۆکرانا بەرز کردن، و دروشم "فاشیزم" لە روی ئەندریێف وتن، و بەشیگیان چەرمگ وە خوین پلیاگ پووشین، لە نشانەیگ ئەرا قوربانیەیل جەنگ لە ئۆکرانیا.
رەنگ سوور وەبان دڵنگ وەرپرسەیلیگتر لەناو شاندەگە دیار بوی.
پۆلیس رەسیە شوینەگە ئەرا دەسمیەتی باڵیۆزەگە و ئەندامەیل شاندەگە تا لەو شوینە دەرچن.