شەفەق نيوز/ رووژنامەی نیویۆرک تایمز ئەمریکی، ئمڕوو چوارشەممە، ئاشکرای بەرزەوبوین نیگەرانی لەناو چین سیاسی لە واشینتۆن لە ئەگەر جیوەجیکردن گورزیگ سەربازی ناکاوەی وەبان ئیران وەبی هەماهەنگی وەرد ئەمریکا
وەگورەی رووژنامەگەر وەرپرسەیل ئیسرائیل ئاگادار وەرپرسەیل ئەمریکی کردنە کە بنیامین نتنیاهو سەرۆک وەزیرەیل ئیسرائیل پەسەنکردن گورز سەربازی دانەێد ئەگەر تەهران و واشینتۆن رەسینە رێکەفتنیش لەبان بەرنامەی ئەتۆمی ئیران.
سەرچەوەیل خەوەردان کە ئیسرائیل وەڕاسی هویر وە جیوەجیکردن پەلاماریگ لەی مانگە کەێد، وەلێ دۆناڵد ترەمپ سەرۆک ئەمریکا رازی نەویە رووسنا سەوز وەپی بەێد، کە وەردەوامی دانوسەنین وەرد تەهران لەلایەو خاسترە.
نتنیاهو لە گفتوگۆ وەرد ترەمپ دووپات کرد کە لاوازی ئیران فرە نیەمینێد، و داوای وەکارهاوردن مەوقەی گونجیاگ بکەن ئەرا جیوەجیکردن گورزەگە، وەلێ ترەمپ وەڵام دا کە ئی لاوازیە دەرفەتیگە ئەرا خاسترکردن رێکەفتن تا مۆتاێێ وە ئامادەکردن یورانیۆم وەشیوەیگ تەواوەتی بارێد.
وەرانەور ئەوە، تەل ئەبیب باس نیگەرانیی کرد کە ئی دانوسەنین ڕیرو بڕەسێدە رێککەفتنیگ ری وە ئیران بەێد شوینەیل ئامادەکردن یورانیۆم بمینن، کە وە هەڕەشەی بویین زانێدەی، وتیش: ستیڤ ویتکوف کلکریای ئەمریکا ئیرنگە وازە لەبان هویر لەیەکفامسنن وەختانە وڵید ئیران، یەکەم گام وەرەو رێککەفتنیگ گشتگیر، و لە هەڵوێست وەرین خوەی واز هاوردە کە وەی شیوەی رازی نەویاد.