شەفەق نیوز ـ وەدویاچگن
وەپای نووترین زانیارییەیل حکومەتی، وەلایکەم 2000 کەس لە ناو حاڵەتەیل پشتڕاسکریاگ لە بڵاوبوین ڤایرۆس ئیبۆلا لە کۆمار کۆنگۆی دیموکرات گیان لەدەسدان، کە وە خێراترین بڵاوبوین دانرێد.
زانیارییە بڵاوکریاگەیل، ئمڕوو سێشەممە، دەریخسن بڵاوبوینەگە 4381 حاڵەت پشتڕاسکریاگ توومارکردگە، کە لەناویان 2011 حاڵەت گیانلەدەسدان بویە. 704 بیمار هاژیر دەرمان و کەرەنتینن لە خەستەخانەیل، وەپای ئەوەگ ئاژانس ئەسۆشییەتد پرێس.
ئی شمارە دڵتەزێنە لە قوربانییەیل دویای رەدبوین نزیکەی سێ مانگ لە راگەیانن بڵاوبوین بیماریەگە لە 15ی ئایار/ مایۆ تێد.
لە وەختیگ نزیکەی نۆ هەفتە وەپیچگ ئەرا توومارکردن هەزار حاڵەت گیانلەدەسدان، تەنیا سێ هەفتە وەپیچگە ئەرا توومارکردن هەزار حاڵەت گیانلەدەسدان زیاده، دووپات کرد لەبان داد تیمەیل جواوداین لە نەڕەسین وە خێرایی هەوەجەکریاگ ئەرا ناوچەیل دویرەدەس.
بڵاوبوین ئی ڤایرۆس ئیبۆلا لە فرەی حاڵەتەیل گوزەشتە جیاوازە، چوینکە هیوچ کوتان یا دەرمانیگ دانوەپینری ئەرا ڤایرۆس "بۆندیبۆگیۆ"ی دەگمەن نییە کە هووکار بڵاوبوینەگەس.