شەفەق نیوز/ پارچە ڤیدیۆیگ لەناو ماڵپەڕەیل خەوەری، نشان مەوقەی دەرچگن ژنیگ دەێد، هەنای وەناکاو لەبان کەناڵەگە دەرچوود، و ناڕەزایی لە جەنگ ئۆکرانیا ئاشکرا کەێد، ئەوەیش لەمەوقەی پەخشکردن خەوەر، لەبان تەلەڤزیۆن فەرمی رووسیا.
مارینا ئۆفسیانیکۆڤا، پەخشکردن خەوەر لە کەناڵ یەکەم رووسیا بڕێەو، و تابلۆیگ وەدەسی، لەبانی نۊسیاگە: " نە ئەرا جەنگ، چەنگەگە بووسنەو، بڕوا وە پڕۆپاگەندە نەکەن، یانە دروو دەن".
ئەو رەفتار ئۆفسیانیکۆڤا وەدڵ کەسەیل فرەیگ بۊ، وبڕیگ باس رەفتاری وە کاریگ پاڵەوانی باس کردن.
لە ڤیدیۆییگ تر، ئۆفسیانیکۆڤا ک لەناو ئەو کەناڵە کار کەێد، ئۊشێد: باوگی ئۆکرانیە و داڵگی رووسی، و کار پڕۆپاگەندە ئەرا کرملین کردگە، باوجی ئیسە لەوە پەشیمانە.