شەفەق نیوز - وەدۊاچگن

نرخەیل نەفت، ئمڕوو چوارشەممە، بەرزەو بۊن، دۊای داوەزینیان ئەرا نزمترین ئاست لە دوو مانگ لە ماوەی دانیشتن وەرین، لە ناوڕاس وەردەوامبۊن دڵەڕاوکێیەیل لە پەلامارەیل لەبان کەشتییەیل لە تەنگەی هورمز، کە زاڵ بۊن لەبان ئومیدەیل رەسین وە ئاگربەس لە جەنگەگە وەرد ئیران.

و گربەبەسە دۊاخریایەیل ئەرا خاو برێنت بەرزەوبۊنیگ وە بڕ 71 سەنت توومار کردن، یا 0.78%، تا بڕەسنە 92.20 دۆلار ئەرا هەر بەرمیلیگ، لە وەختیگ خاو خوەراوای تەکساس ناوەنجی ئەمریکی 49 سەنت، یا 0.57% بەرزەو بۊ، ئەرا 86.53 دۆلار.

 زانیارییەیل نیشان دان کە 37 کەشتی کەفتنەسە پەلامارەیل لە تەنگەی هورمز و رێڕەوە ئاوییەیل دەورگردی لە ماوەی تشرین یەکەم گوزەشتە، کە یەیش بەرزترین شمارەی مانگانەس لە وەخت دەسکردن جەنگەگەو، لە وەختیگ 10 پەلامار ترەک لە ماوەی تشرین دۊەم ئیسە توومار کریانە.

 لە وەرەونواچگنیگ ترەک، سەرچەوەیل لە بازاڕ خەوەر دان لە بەرزەوبۊن یەدەگەیل نەفت خاو ئەمریکی وە بڕ نزیکەی 9 ملیۆن بەرمیل لە ماوەی هەفتەی دویایین لە 6 تشرین دۊیەم ئیسە.