شەفەق نیوز- خوەرهەڵات ناوڕاس

نرخەیل نەفت وە زیاتر لە 2 لە سەد ماوەی مامەڵەیل دۊشەممە بەرزەو بۊن، وەگەرد بەرزەوبۊن رخباریەیل لەباوەت دابینکردنەیل خاو جەهانی دۊای پەلامارەیل نوویگ لەبان سعودیە و کەشتییەیل لە کەنداو، هاوەخت وەگەرد بەسانن کڕ  لۊلەیل نەفت سعودی لەناوەین خوەرهەڵات و خوەرئاوا.

 گرێبەستە ئایەندەییەیل ئەرا خاو برێنت 2.90 دۆلار، یا 2.77 لە سەد زیای کردن، تا رەسیە 107.51 دۆلار ئەرا بەرمیلیگ، لە وەختیگ خاو خوەرئاوای تەکساس ناوەنجی 2.27 دۆلار، یا 2.27 لە سەد بەرزەو بۊ، تا رەسیە 102.32 دۆلار، وەپای رۆیتەرز.

 پەلامارەیل حووسییەیل لەبان باشوور سعودیە، وەختیگ تویشهاتن کەشتییگ لە گەروو هورمز وە گولەیگ، بۊنە مدوو زیایبۊن رخباریەیل لەباوەت جۊلەی دابینکردنەیل نەفتی، لە وەختیگ ئیران خەوەردا لە رۊوەڕۊبۊن کەشتییگ بازرگانی ئەرا پەلاماریگ لە وەراوەر کەنارەیلی.

 بەسانن کڕ لۊلەیل نەفت سعودی لەناوەین خوەرهەڵات و خوەرئاوا هەڕەشەی لەدەسداین 4 لە سەد لە دابینکردنەیل نەفت جەهانی دەێد، لە وەختیگ رخباریەیل هەمیش زیای بوون لە گەروو باب ئەلمەندەب کە نزیکەی 4 تا 5 لە سەد لە دابینکردنەیل جەهانی لەلیەو چوود.

 نرخەیل نەفت ماوەی هەفتەی گوزەشتە وە نزیکەی 8 لە سەد بەرزەو بۊن، وە رەدکردن 100 دۆلار ئەرا بەرمیلیگ ئەرا یەکەمین جار لە مانگ تەموز گوزەشتەو.