شەفەق نیوز - وەدویاچگن

نرخەیل نەفت وە شیوەیگ کەمیگ لە مامەڵەیل پیشوەختەی، ئمڕوو چوارشەممە داوەزی، وەرد چەوڕێیکردن وەبەرهێنەرەیل ئەرا ئەنجام هەڵوژاردنەیل نیمەی خول ئەنجومەن نوێنەرەیل ئەمریکا (کۆنگرەس) و دەرئەنجامەیل ئەگەر وەبان دانوسانەیل ئاشتی لە خوەرهەڵات ناوڕاس، وە بان داوەزیان  ئەمارەیل نەفت خام ئەمریکی وە زیاتر لەوەگ مەزەنە کریاوێد.

گرێبەسەیل ئایندەی نەفت خام برێنت 26 سەنت، یا وەرانوەر وە 0.25% داوەزی، ئەرا توومارکردن 103.34 دۆلار ئەرا بەرمیلیگ، لە وەختیگ نەفت خام خوەرئاوای تەکساس ناوڕا ئەمریکی 53 سەنت، یا 0.55% داوەزی، ئەرا 95.56 دۆلار ئەرا بەرمیلیگ.

بازارەیل چەودێری وەنواچگ دانوسانەیل کەن کە ئامانجی کۆتایی هاتن وە جەنگ ئەمریکا و ئیسرائیل وەرد ئیرانە، لەناو وەردەوامی تەقەلایەیل ناوەنگری قەتەری، لە هەمان وەخت بەرپرسیگ ئیرانی دووپات کرد کە تەهران و واشنتۆن هێمان دویرن لە رەسین وە رێککەفتن.

لەوەرانوەر گرێبەست نەفت ئەمریکا داوەزیا لە ئەمارەیل نەف خام وە بڕ  نزیکەی  5.27 ملیۆن بەرمیل لە ماوەی هەفتەی کۆتایی  لە 30 تشرین یەکەم.

ئەمارەیل بانزین  1.43 ملیۆن بەرمیل بەرزەوبوی، لە وەرانوەر ئەمارە پاڵیاگەیل، لەوانەش دیزل، وە بڕ نزیکەی 1.19 ملیۆن بەرمیل.