شەفەق نیوز - وەدویاچگن
نرخەیل نەفت، ئمڕوو چوارشەممە، داوەزیانیگ توومارکرد وەگەرد بەرزەوبوین ئەمارەل نەفت خام و سزەمەنی لە ویلایەتە یەکگرتگەیل، کە نیگەرانییەیل دەربارەی کەمبوین دابینکردن سووکەو کرد، وەگەرد وەردەوامی گرژییە سەربازییەیل ناوەین ویلایەتە یەکگرتووەیل و ئیران و ئاڵۆزییەیل لە جموجۊڵ بارهەڵگرەیل وەناو گەرووی هورمز.
گرێبەسە ئایندەییەیل خام خۆرئاوای تەکساس ناوەن ئەمریکی وە بڕ 56 سەنت، یا ئەوەگ وەرانبەر 0.65%ـە داوەزیان، تا 85.45 دۆلار ئەرا هەر بەرمیلیگ توومار بکەن، لە وەختیگ خام برێنت 16 سەنت، یا 0.17%، ئەرا 92.98 دۆلار ئەرا هەر بەرمیلیگ داوەزیا.
ئامارەیل پەیمانگای پەترۆڵ ئەمریکی بەرزەوبوین کۆگایل نەفت خام لە ویلایەتە یەکگرتووەیل وە بڕ 5.28 ملیۆن بەرمیل لە ماوەی ئەو هەفتە لە 13 تشرین دۊیەم کۆتایی هات دەرخسن، هەمیش ئەمارەیل بەنزین 5.12 ملیۆن بەرمیل، و تکیاگەیل 351 هەزار بەرمیل زیای کردن.
لە وەرانوەر ئەوەگ، نیگەرانییە جیۆسیاسییەیل سنووریگ ئەرا داوەزیان نرخەیل دانان، وەگەرد وەردەوامی پەلامارەیل ئاڵوگۆڕکریاگ ناوەین واشنتۆن و تەهران، و کەفتنە وەر پەلامار کەشتییەیل لە گەرووی هورمز، لە پاڵ نواگیریکردن بەحرەین لە پەلامارەیل ئاسمانی ئیرانی، کە رخداریەیل لەبان جموجۊڵ گواستنەوەی نەفت و دابینکردن جەهانی وە وەردەوامی هیشتەو.