شەفەق نیوز - وەدویاچگن

نرخەیل نەفت، ئمڕوو پەنجشەممە، ئەرا چوارەمین رووژ لەدویای یەک داوەزی، لەناو مەزەنەیل  کەمەوبوین رخداریەیل ئەوزەڵکردن جەنگ ئەمریکا و ئیسرائیل لەبان ئیران، لەدویای دۆڕانن حیزب کۆماری لە هەڵوژاردنەیل ئەنجومەن نوێنەرەیل ئەمریکا (کۆنگرەس).

پەیماننامەیل ئایندەی نەفت خام برێنت 97 سەنت، یا 1.03% داوەزی، ئەرا رەسین وە 93.65 دۆلار ئەرا هەر بەرمیلیگ، لە وەختیگ نەفت خام خوەرئاوا  تەکساس ناوڕاس ئەمریکا 1.14 دۆلار، یا 1.29% داوەزی، ئەرا 86.98 دۆلار.

ئێ داوەزیانە لەدویای داوەزیان هەردوگ نیشاندەرەگە وە زیاتر لە 8% لە دانیشتن رووژ چوارشەممە هات، تا نزمترین ئاستەیل خۆیان لە 31 ئاب گوزەشتەوە توومار بکەن.

مەزەنەیل داوەزیان ئەوزەڵکردن زیایکرد وەرد زیایبوونی رخداریەیل پەنابردن سەرۆک ئەمریکا دونالد ترەمپ ئەرا رێکەفتن وەرد ئیران، لە وەختیگ نیشانەیل بانک جەی پی مۆرگان دیاریکەێد ئەرا ئاڵشتکردن   نەفت جیهانی  ئەرا زیایبوینیگ کە ڕرەسییە 1.1 ملیۆن بەرمیل رووژانە لە ئەیلول، و بەرزەوبوین ئەرا 1.4 ملیۆن بەرمیل رووژانە لە تشرین یەکەم.

وەگەرد ئەویش، شیکارکەرەیل هووشداری دان لە وەردەوامی ئاڵشتبوین نرخەیل، لە سای نادیاری ری دیپلۆماسی، و داوەزیان ئەمارەیل بازرگانی ئەرا نەفت لە وڵاتەیل گەورەی وەکارهێنەر ئەرا ئاستەیل نزیک لە نزمترین ئاستەیلیان لە ماوەی 15 ساڵ گوزەشتە.