شەفەق نیوز - وەدویاچگن

نرخەیل نەفت، ئمڕوو پەنجشەممە، وەگەرد بەرزەوبوین پەلامارەیل لە سعودیە و زیادیوین رخدارییل دەربارەی ئاسایش دابینکردن وزە لە خوەرهەڵات ناوڕاس بەرزەوبوین، هاووەخت وەگەرد دەرکردن فەرمان وەلایەن ویلایەتە یەکگرتگەیل ئەرا بەشیگ لە دیپلۆماتکارەیل و ئەندامەیل خێزانەیلیان ئەرا وەجیهشتن کلکریاگەیلیان لە شانشینەگە.

گرێبەستەیل ئایندەی خام برێنت وە بڕ 1.29 دۆلار، یا 1.2% بەرزەوبوین، رەسیە 110.11 دۆلار ئەرا بەرمیلیگ، لە وەختیگ خام خوەرئاوای تەکساس ناوڕاست ئەمەریکی 97 سەنت، یا 1% بەرزەو بوی، ئەرا 98.12 دۆلار ئەرا بەرمیلیگ.

ئێ بەرزەوبوینە دویای پەلامارەیل هات کە خریایە پا حوسییەیل، و بویە مدوو کوشیان دوو کەس لە پەلاماریگ وە فڕۆکەی بێفڕۆکەوان (درۆن) وەبان کێڵگەیگ نەفتی سعودی، و کوشیان کەسیگ و برینداربوین هەشت کەس ترەک لە پەلاماریگ وەبا فڕۆکەخانەی دەمام .

رخدارییل دەربارەی جویلەی بارکردن نەفت لە ناوچەگە زیای بوی، دویا ئەوەگ زانیارییل کۆمپانیای "کیبلەر" دەرخس  وەلایکەم 18 پەلامار وەبان کەشتییل لە ماوەی دوو هەفتەی گوزەشتە رویدایە، لە ناو وشیاریەیل لە ئەوزەڵکردن ئامانجگردن نەفتهەڵگرەیل ئەرا ناوچەیل دەیشت تەنگەی هورمز.

لە وەرانوەر، ئیدارەی زانیاریەیل وزەی ئەمەریکی داوەزیان ئەمارەیل  خام نەفت لە ویلایەتە یەکگرتگەیل وە بڕ 3.06 ملیۆن بەرمیل لە ماوەی هەفتەی گوزەشتە راگەیان، رەسیە 412.5 ملیۆن بەرمیل، کە مەزەنەی مەزەنەکەرەیل  رەدکەێد وە داوەزیان 820 هەزار بەرمیل.