‏شەفەق نیوز ـ بەغدا / هەولێر

‏نرخەیل نەفت نزیکەی 2% کەمەوبوی لە مامەلەیل، ئمڕوو چوارشەممە، وەردەوام بوی لە  کەمەوبوینەیل دانیشتنەیل گوزەشتە، وە مدوو هیوا وە ئەگەریگ وازکردن تەنگەی هۆرمز دویای دەسوەپیکردن گفتوگو لەناوەین ئیران و عومان لەبان وەڕێوەبردنی ریگەی ئاویی.

نەفت برێنت 1.78 دۆلار، یا 2%، کەمەوبوی و رەسیە 86.80 دۆلار ئەرا هەر بەرمیلیگ، لەوەختیگ نەفت وێست تێکساس ناوەڕاس 1.49 دۆلار، یا 1.8%، کەمەوبوی و رەسیە 80.87 دۆلار، دویای ئەوەگ هەردوو جویر نەفت لە دانیشتن سێشەممە زیاتر لە 3% کەمەوبوبوون.

ئێ فشارە لەبان نرخەیل وەگەرد راگەیانن ئیران و عومان هاتگە لەبان ریگەی ئاویی وەختانە و هاوبەش لە تەنگەی هۆرمز گفتوگو کەن و رێککەفتنە لەبان پاککردن تەنگەگە لە مین، لەوەختیگ لە دەسوەپیکردن جەنگ لە مانگ دوو، تەنگەگە نزیکەی یەک پەنجەم گواستنەوەی نەفت و گاز سرووشتی شلەکریاگ جیهانی رەدکردیە.

هەمیش داتا سەرەتاییەیل نیشان دەن  کۆگای نەفت خام ئەمریکا نزیکەی 4.2 ملیۆن بەرمیل لە ماوەی هەفتەی کۆتایی‌ لە 21ی ئاب بەرزەوبوی، لەوەرانوەر چەوەڕوانی بەرزەوبوینیگ نزیکەی   600 هەزار بەرمیل.