شەفەق نیوز/ سوپای ئیسرائیل، شەوەکی ئمروو سێشەممە، زنجیرە پەلامارەیلیگ وەبان تەهران پایتەخت ئەنجامدا ساعەتیگ وەرجە جیوەجیکردن چگنە ناو ئاگربەس وەگورەی ئەوەگ لە راگەیاننەیل بڵاوکریاس.

سوپای ئیسرائیل لە بەیاننامەیگ راگەیان، پێگە موشەکیەیل خوەرئاوای ئیران پەلاماردانە، بەڵام  وەرپرسیگ ئەمنی لە سەربازی پشتڕاسی کردیە کە پەلامار بەرفراوان لە شەو دووشەممە وەبان سێشەممە ئەنجام دریاسە و دەیان ئامانج گردیەسەخوەی.

 وتیش، سوپای ئیسرائیل چەن تەقەلایگ تیرۆرکردن  کەسایەتیەیل ئیران ئەنجامدایە، باوجی تا ئیسە چەوەڕێ لێکۆڵینەوە لە بڕ سەرکەفننی کەێد، دیاریکرد سوپا پەلامار سوپای پاسدااران دایە وەرد دامەزراوەیل پیشەسازی سەربازی و تاقیگەیل ئەتۆمی.

ئاشکرایکرد "بڕیگ لە ئامانجەیل لەری هەڵمەتیگ لە گوزەشتە وە ئامانج گیریانە، پەیمان دایمن  دەسکەفتەگە لەوا قویلتر بکەین و بڕ زەردەیل   زیاد بکەین.

هەواڵگری ئیسرائیل راگەیان، لەماوەی ئەو 12 رووژ جەنگ بی پیشینەی وەرانوەر وە ئیران، دویز کردنە وەبان وە ئامانجگردن بنکەی سەربازی ئیرانیەیل، لەناویان سوپای پاسداران، وەرد "زانایەیل ئەتۆمی".