شەفەق نیوز/ وەخاتر پویل و رەگەزنامەی رووسیا، ژنیگ ئۆکرانی ئاشکرای شوین و نوین سەربازگەی شویەگەی کرد، تا هیزەیل رووسیا وەگورزیگ پەلامار ئەو سەربازگە نبەن، هەرچەن ژنەگە زانێد شویەگەی ها ئەو شوینە، و گوڕیگیش لەلی دیرێد.

لە هویردەکاریەیل ئەو باوەتە ک دەزگای ئاسایش ئۆکرانیا (SBU) ئاشکرای کرد، ژن سەربازەگە لە تەمەن ٣١ ساڵە، و داڵگ کوڕیگە لەلی، ئاگادار هەواڵگری رووسیا کرد لە شوین سەربازگە و ئامێرەیل سەربازی لە دونیتسک و زابوریجیا.

دەزگای ئاسایش ئۆکرانیا وتیش: ژنەگە وە توومەت سیخوڕی دەسگیر کریا،  و ناو ئەو ژنە ئاشکرا نەکرد، باوجی ناو "خیانەتکار" بڕیە باڵای.

ژنە توومەتبارەگە زانیاری لە شویەگەی بردیە، لە شوین ونوین یەکەی سەربازگەی و شوینەیلیگتر لە سەنگەرەیل جەنگەگە.