شەفەق نیوز- پەکین/ تاران
وانگ یی، وەزیر دەیشت چینی، لە دیداریگ وەگەرد هاوتا ئیرانییەگەی عەباس عەراقچی، ئمڕوو چوارشەممە، ئومیخوازی وڵاتەگەی نشان دا کە ئاڵووزییە هەرێمییەیل فرەتر وەرەو یەمەن و دەریای سوور نەکیشێد.
وەزیر چینی لە پەکینەو داوا کرد، "گشت لایگ ریکارەیل کاران بگرنە وەر ئەرا دووارە وازکردن گەروو هورمز".
هەمیش هوشداری دا لەوەگ "وەردەوامبۊن کارەیل جەنگی نە لە قازانج هەردوگ لایەنە و نەیش کۆمەڵگای ناودەوڵەتی".
گاڵ هەردگ تاران و واشنتۆن دا وە نیشانداین دانایەیی و خوەیگردن، وەپای ئەوەگ رۆیتەرز بڵاوی کرد.
لەی باوەتەو، دووپات کرد کە پەکین پشتگیری لە سازکردن گفتوگۆیگ کەێد لەبان بنەمای رێزگردن هاوبەش ئەرا سەروەری و ئاسایش لە ناوەین ئیران و دەوڵەتەیل کەنداو.