شەفەق نیوز/ ئاژانس تەندروسی گشتی کەنەدا، توومارکردن یەکەمین تویشهاتن وە بنچینەی لق ١ لە ئاوڵەی مەیموون ڕاگەیان، ئەوەیش لەلای کابرایگ لە مانیتوبا.
وتیش؛ ئی تویشهاتنە پەیوەندی وە گەشتکردن دیرید کریەبەسە وە بڵاوبوین بنچینەی لق ١ لە بیماریگ لە ناوڕاس و خوەرهەڵات ئەفریقا، وەگورەی ئاژانس رۆیتەرز.
ئاژانسەگە لە بەیاننامەیگ وت: ڕوو کەسە دویای ماوەی کوڵیگ لە گلەوخواردنی لە ئەفریقا داوای چارەسەری لە ئاوڵەی مەیموون کرد، و ئیسە خریاسە کەرەنتین.
ریخریاگ تەندروسی جەهانی، رووژ جمعە، وت: بڵاوبوین ئاوڵەی مەیموون هیمان فریاکەفتن تەندروسی گشتییە.
ریخریاگ تەندروسی جەهانی، ئاگاداری تەندروسی گشتی جیهانی ئەرا دویەم جار لەوەر بڵاوبوین ئاوڵەی مەیموون وەماوەی دوو ساڵ لە مانگ ئاب راگەیان، ئەوەیش دویای بڵاوبوین بنچینەی نوویگ لە ڤایرسەگە کە بنچینەی لق ١ بی بوی لە کۆمار کۆنگۆی دیموکرات وەرەو دەوڵەتەیل هاوسا.