شەفەق نیوز/ وەرپرسەیل نەیجیریا، و وەڕیەوبەر باخچەی ئاژەڵ وت: بەنداویگ لە باکوور خوەرهەڵات نەیجیریا رمیا، کە لافاو گەورەیگ دروس کرد، کە مەردم ئەو ناوە چووڵ کردن، و ئاژەڵەیل بکوش لە باخچەی ئاژەڵەیل وەرەو ناوچەیلیگ ترەک برد.

رمیان بەنداو عەلاو لە ویلایەت بۆرنۆ بەدترین لافت لە ویلایەتەگە دروس کرد، لە وەختیگەو کە وەرجە ٣٠ ساڵ خود بەنداوەگە رمیا، و ناچار مەردم کرد ماڵەیلیان چووڵ بکەن.

وەگورەی حکومەت ویلایەتەگە، بەنداوەگە پڕ بویە لەوەر واران رفتیگ.

ناهۆم داسو قسەکەر پولیس ویلایەتەگە وت: نزیکەی ١٥ لەسەد پایتەخت ویلایەت بۆرنۆ مایدوگوری ئاو پوەشیەسەی، و تا ئیسە ئامار کوشیاگەیل لافاوەگە ئاشکرا نەکریاس.