شەفەق نیوز ــ تەهران
سەرۆک فەرمانگەی پاراستن ژینگە لە شار تەهران، ئمڕوو دووشەممە، دووپاتکرد پایتەخت ئیران وە دەس دیاردەی خوەڵوارین ناڵێد تا کۆتایی وەرز تاوسان، وە مدوو گورجی وای بیاوانیە لە ناوچەگە.
وەرپرسیگ ئیرانی لە بەیاننامەیگ وت، " وەهار و تاوسان وە وای تا رادەیگ گورج وەخوەی دوینێد، کە لە ساڵەیل گوزەشتە گورجیەگەی زیاترە، ئیەش بویەسە مدوو زیایبوین بیاوانبوین و زریان تەپوز.
وتیش "سەرچەوەیگ تەپوتوزەگە کە رەسێدە تەهران لە رووژەیل کۆتاییە لە بەرز و قەزوین، لەلای تەهران وە تایبەت لە ملارد و وەرامین، کە بویەسە مدوو سەنتەر گورجەوبوین تەپوتوز".
ئاشکرایکرد "دیاردەگە مەزەنەکرێد تا کۆتایی مڵنگ تاوسان وەردەوامە" هووشداریدا لە وەردەوامبوین ئاڵنکاریەیلی وەبان هەوا و تەندروسی دانشتگەیل".