شەفەق نیوز/ نەتەوە یەکگرتگەیل، ئمڕوو دووشەممە، هوشداری دا کە غەززە ناوچەی پەتای رخبەریگە، و هوشداری لە کارەساتیگ لەناو دانیشتگەیل ناوچەگە دا هاتێ وەزوی و ئاسانی لەناو وڵاتەیل جەهان بڵاو بوود.
رخ گەورەیگ لەناو تیمەیل پزشکی زاڵەو بوی لە دەرکەفتن بیماری ئیفلیج مناڵ لە ناوچەیل باکوور غەززە، دویای توومارکردن یەکەمین تویشهاتن وە ڤایرۆس بیماریەگە.
رخەیل زیایەو بوون کە ڤایرۆسەگە ئاڵشتەو بوود ئەرا چاپیگ ترەک کە توەنێد کڵووڵەی ئەو کەسەیلە بکەێد کە وە تەواوی واکسین نەوردنە.
یونیسێف دووپات کرد کە رەوش تەندروسی بویەسە کارەسات، وەتایبەت کە ئەو بیناریە کە ئاشکرا کریاس لەلای مناڵیگ کوورپە لە تەمەن ١٠ مانگان بویە.
ئێ بیماریە یەکەمە لە ٢٥ ساڵ گوزەشتە تا ئیسە، و بویەسە نشانەیگ ئەرا ئاست بەدی رەوشەیل لە غەززە.