شەفەق نیوز/ ١٧ کوڕ خوەنەوار گیانیان لەدەسدان و ١٤ی تریش زەخمدار بوین، لە ئەنجام هیزگردن ئاگریگ لەناو مەکتەویگ سەرتایی لەناوڕاس کینیا.

سەرۆک ولیام روتۆ وت: داوای لێکۆڵینەوە و سزادان وەرپرسەیل کردگە.

ریسیلا اونیانگۆ خانمە قسەکەر پولیس لە کینیا وت: تیمەیلیگ زیاتر لە رزگارکردن هانە ربەو وەرەو ئاکادیمیای هیلساید ئیندراشا لە نیری.

ئەراک رۆیتەرز وت: ١٧ خوەنەوار لە ئاگرەگە گیانیان لەدەسدان و ١٤یش زەخمدار بوین، تیمەیل ئیمە هانە شوین نادیاریگ.

کەناڵ تەلەفزیۆنی "سيتيزن" وت: ئاگر ئەو خوەنەوارەیلە سزانیە کە ئاسان نییە بناسیەن.

ئاگر مەکتەوەیل 

لە ساڵەیل گوزەشتە بڕیگ ئاگر لەناو مەکتەوەیل هیز گرد، و دەرکەفت کە فرە لەلییان وەدەس کەسەیلیگ بویە.

لە ساڵ ٢٠١٧، ٩ خوەنەوار لە ئاگر ناو مەکتەویگ لە نیرۆبی گیانیان لەدەسدان.

لە ساڵ ٢٠٠٢، ٥٨ خوەنەوار لە شوین داکاسیان ناوخوەیی لە مەکتەو ئامادەیی کونگولی وە ئاگریگ گیانیان لەدەسدان.

لە ساڵ ٢٠١٢، ٨ خوەنەوار لەناو مەکتەویگ لە ناوچەی هوما بای خوەرئاوای کینیا گیانیان لەدەسدان.